|
|
Korach, Datan en Abiram (16:1-17:28 )
|
Numeri 16
01Korach van Jishar Kehatszeun, n Leviet, ging mit Datan en Abiram, zeuns van Eliab, en mit On Peletszeun, Rubenieten, in t komplöt
02en stonden op tegen Mozes, mit nog twijhonderdfiefteg manlu van Israël, laaidsmannen van gemainschop, benuimd oet gemainte, mannen van noam.
03Zai vörmden n front tegen Mozes en Aäron en zeden tegen heur: "Zo kin t wel! Haile vergoadern binnen aaltemoal haailegen en de HEER is middenmaank heur. Woarom verhef ie joe boven gemainschop van de HEER?"
04Dou Mozes dat heurde, luit e zok deelvalen mit t gezicht aan grond.
05Doarnoa zee e tegen Korach en zien haile aanhang: "Mörgen zel de HEER zain loaten wèl zienent is en wèl haaileg is en dichtbie hom kommen mag. Dij hai oetkaizen zel, dij let e noabie kommen.
06Dit mout ie doun: neem joe vuurpannen, Korach en aal zien aanhangers,
07dou der mörgen vuur in en leg der reukwaark op veur t aangezicht van de HEER, en man dij de HEER oetkaizen zel, zel de haailege wezen. Zo kin t wel, Levieten!"
08Mozes zee dou tegen Korach: "Heur ais aan Levieten.
09Wil ie nog meer as dat God van Israël joe ofzunderd het van aal aandere Isrelieten om stoef bie hom te kommen, om dainsten in tabbernoakel van de HEER te doun, en om veur t front van gemainschop te stoan om heur te dainen?
10 Wil ie nog meer as dat hai joe en aal joen stamgenoten, Levieten, dichtbie kommen luit? Wil ie t priesterschop ook nog?
11 Heb ie doarom, ie en joen haile aanhang, n front vörmd tegen de HEER, want wat is Aäron dat ie tegen hom morreln zollen?"
12 Mozes luit Datan en Abiram roupen, mor zai zeden: "Wie kommen nait.
13 t Is toch nait niks dat ie ons weglaaid hebben van n laand dat overlopt van melk en hunneg, om ons doodgoan te loaten in woestijn, en dat ie joezulm boas over ons moaken.
14 Ie hebben ons ja nait brocht noar n laand dat overlopt van melk en hunneg, en ie hebben ons gain akker of droevetoen in bezit geven. Wol ie dizze manlu ogen oetsteken? Wie kommen nait."
15 Dou wer Mozes gloeiend glìn en hai zee tegen de HEER: "Let nait op heur meelovver. Nait ain ezel heb ik van heur ofhoald en gainain van heur heb ik kwoad doan."
16 Mozes zee tegen Korach: "Doe en dien haile aanhang, wees mörgen present veur t aangezicht van de HEER, dat ie der aalmoal binnen: doe en zai en Aäron.
17 Elk mout zien vuurpaan mitnemen en der den reukwaark in leggen en dat ovvern veur t aangezicht van de HEER, elk n vuurpaan, twijhonderdfiefteg vuurpannen, doe en Aäron ook, elk zien vuurpaan."
18 Zai kregen elk zien vuurpaan, deden der vuur in, legden der reukwaark op en gingen mit Mozes en Aäron bie ingang van soamenkomsttènt stoan.
19 Dou Korach aal zien aanhangers optrommeld haar bie ingang van soamenkomsttènt, tegen heur, verscheen glorie van de HEER aan haile gemainschop.
20 Dou zee de HEER tegen Mozes en Aäron:
21 "Zunder joe òf van dizze gemainschop, dat ik heur in n ogenblik tieds verteer."
22 Dou luiten ze zok deelvalen mit t gezicht aan grond en zeden: "O God, God dij levensoam geft aan aal wat leeft, as ain enkeling zundegt, wil ie den glìn worden op haile gemainschop?"
23 De HEER zee tegen Mozes:
24 "Zeg tegen gemainschop t volgende: 'Trek joe terog oet de buurt van Korach, Datan en Abiram heur woonstee.'"
25 Mozes muik aanstalten en ging noar Datan en Abiram, mit oldsten van Isrelieten achter hom aan.
26 Mozes zee tegen gemainschop: "Goa toch bie tènten van dizze zundege manlu vandoan. Kom niks aan van ales wat heurent is, dat ie nait om heur zunden wegnomen worden."
27 Ze trokken dou weg oet de buurt van woonstee van Korach, Datan en Abiram. Datan en Abiram kwammen in boeten en gingen mit heur vraauw en kinder en lutje potjes bie ingang van tènt stoan.
28 Mozes zee: "Hier zel ie aan waiten, dat de HEER mie stuurd het om aal dizze doaden te doun; t komt nait oet miezulm vot.
29 As dizzent hier gewoon staarven as ale mensken en zai worden trovven deur t löt dat ale mensken treft, den het de HEER mie nait stuurd.
30 Mor as de HEER n doad dut net as bie scheppen, dat grond mond wiedopen dut en slokt heur deur mit aal wat heurent is, dat ze leventeg deeldoalen in t dodenriek, den wait ie dat dizze manlu de HEER belasterd hebben."
31 En t vuil veur, zo gaauw as hai opholden was mit dit apmoal te zeggen, dat grond onder heur spolde.
32 Eerde dee mond open en slook heur deur, heur hoesholden en ale mensken dij bie Korach heurden, mit aal heur bezittens.
33 Zai en aal dij bie heur heurden, doalden leventeg deel in t dodenriek. Eerde dekte heur tou en zai wazzen tou gemainschop oet omkommen.
34 Ale Isrelieten dij der bie stonden, gingen op loop dou ze heur roupen heurden, omreden ze dochten: eerde kin ons ook nog wel verslinden.
35 Dou kwam der n vuur van de HEER aanzetten en verteerde twijhonderdfiefteg manlu dij reukwaark ovverd haren.
|
Numeri 17
01Dou zee de HEER tegen Mozes:
02"Zeg tegen Eleazar, zeun van priester Aäron, dat e dij vuurpannen tou t aask oethoalen mout en t vuur wiedweg verstreuen, want pannen binnen nou haaileg.
03Van vuurpannen van manlu dij ten koste van heur levent zundegd hebben, most ploaten sloagen veur n overtrek van t altoar. Ze hebben dij pannen veur t aangezicht van de HEER brocht en nou binnen ze haaileg. Ze zellen veur Isrelieten n taiken wezen."
04Dou kreeg Eleazar kopern vuurpannen dij opbrocht wazzen deur manlu dij bie braand omkommen wazzen, en men sluig ze plat dat t n overtrek wer veur t altoar.
05t Is n heugenis veur Isrelieten, dat lu dij nait gerechtegd binnen, dij nait tou t noageslacht van Aäron heuren, nait noaderbie kommen om t reukwaark te ovvern veur t aangezicht van de HEER; dat heur nait gebeurt wat Korach en zien aanhang overkwam, net as de HEER hom zegd haar deur dainst van Mozes.
06Aanderdoags morrelde haile gemainschop tegen Mozes en Aäron mit te zeggen: "Ie hebben t volk van de HEER doodmoakt."
07Dou haile gemainschop n front vörmd haar tegen Mozes en Aäron en noar soamenkomsttènt tou lopen was, kiek, tènt wer overdekt deur wolk en glorie van de HEER verscheen.
08Dou kwammen Mozes en Aäron noar soamenkomsttènt
09en de HEER zee tegen Mozes:
10 "Goa vot bie dizze gemainschop vandoan, den zel ik heur in n oogwenk verteren." Mor Mozes en Aäron luiten zok deelvalen mit t gezicht aan grond.
11 Mozes zee tegen Aäron: "Krieg vuurpaan, dou der vuur in van t altoar, dou der reukwaark op en goa radjes noar gemainschop tou en moak t weer goud veur heur, want de HEER is glìn worden: ploag is al begund."
12 Aäron kreeg paan zo as Mozes zegd haar en runde noar vergoadern tou, en kiek, onder t volk was ploag al begund. Hai legde t reukwaark in paan en muik t weer goud veur t volk.
13 Dou e kwam te stoan tussen lu dij al dood wazzen en mensken dij nog leefden, wer ploag tot stilstand brocht.
14 t Wazzen vattiendoezend zeuvenhonderd man dij aan ploag sturven wazzen, ofgezain van lu dij t levent ter bie doan haren vanwegens t gevaal Korach.
15 Dou Aäron weeromging noar Mozes bie ingang van soamenkomsttènt, was ploag tot stilstand brocht.
16 De HEER zee tegen Mozes:
17 "Proat mit Isrelieten, en neem veur elke stam n staf van aal heur stamoldsten, in totoal twaalf stoaven, en op elk zien staf most elk zien noam schrieven.
18 Aäron zien noam most op staf van Levi's stam zetten, want veur elke stamoldste is ter ain staf.
19 Dij stoaven most in soamenkomsttènt hènleggen, veur t getugenis, op t stee doar ik mie voak bekend moak.
20 En man dij ik oetkais, dij zien staf zel oetbotten: zo zel ik mie ontdoun van heur gemorrel tegen joe."
21 Mozes pruit mit Isrelieten en ale stamoldsten deden hom heur staf, ain veur elke oldste, twaalf stoaven noar t aantal stammen, en Aäron zien staf lag der middenmaank.
22 Mozes legde stoaven veur t aangezicht van de HEER in tènt mit t getugenis.
23 Aanderdoags ging Mozes tènt mit t getugenis in, en verdold, staf van Aäron, veur stam Levi, was begund te bluien. Staf haar knoppen zet, was in blui kommen en druig riepe mandels.
24 Dou Mozes ale stoaven van t aangezicht van de HEER noar Isrelieten tou brocht haar, zagen ze t zulm en elk kreeg zien staf weer.
25 De HEER zee tegen Mozes: "Breng staf van Aäron weerom en leg hom veur t getugenis, mit t doul dat e bewoard wordt veur stiefzinnege lu. En most n èn moaken aan t gemorrel tegen mie, aans zellen ze staarven."
26 Mozes dee dat, zo as de HEER hom t zegd haar.
27 Isrelieten zeden tegen Mozes: "Wie kommen om, wie gonnen verloren, wie gonnen aaltemoal verloren!
28 Elk dij te dicht bie tabbernoakel van de HEER komt, staarft ja: mout wie den aaltemoal om haals kommen?"
|
Numeri 18
01De HEER zee tegen Aäron: "Doe en dien zeuns en dien femilie zellen ongerechteghaid droagen dij veurkomt in t haailegdom. Doe en dien zeuns droagen ongerechteghaid dij begoan wordt bie t dainstdoun as priester.
02Loat ook dien bruiers, de Levieten, dien voaders stam, mit die noar t haailegdom kommen, dat ze zok bie die aansloeten en die en dien zeuns dainen veur tènt mit t getugenis.
03Ze mouten toaken doun dijstoe heur gefst en om tènt denken. Mor ze mouten nait te dichtbie attributen van t haailegdom kommen en nait te dichtbie t altoar, aans zellen ze staarven, zai net zo goud as ie.
04Ze mouten zok bie die aansloeten en om soamenkomsttènt denken en t ale waark dat ter bie komt. Dij nait gerechtegd binnen, maggen nait te dichtbie joe kommen.
05Ie mouten zulm joen toak aan t haailegdom en aan t altoar vervullen, dat veurkomt mien kwoadens over Isrelieten.
06Want kiek, ik heb joen bruiers, de Levieten, oet Isrelieten apaart nomen as n geschenk veur joe. Zai binnen aan de HEER geven om aarbaid aan soamenkomsttènt te verrichten.
07Mor doe en dien zeuns zellen t priesteramt vervullen en ales wat t altoar aangaait, en wat betreft aangelegenheden achter t veurhangsel. Dat mout ie doun. Ik geef joe t priesteramt as n geschenk. Mor dij nait gerechtegd is en te stoef bie komt, zel doodmoakt worden."
08Wieder zee de HEER tegen Aäron: "Kiek, ik geef die goaven aan mie te verzörgen. Ale haailege goaven dij Isrelieten mie brengen, geef ik die en dien zeuns, as joen aandail, as n recht veur aaid.
09Dit zel veur joe wezen: wat van alderhaailegste goaven nait opbraand is. Aal heur goaven bie meelovvers, bie zundeovvers en schuldovvers binnen veur die en dien zeuns.
10 Ie mouten t eten as alderhaailegste, aal manlek noageslacht mag t eten, en zel joe t haaileg wezen.
11 En ook n pozzie van ale wijovvers van Isrelieten is veur die. Dij geef ik die, dien zeuns en dien dochters, as n recht veur aaid. Aal dij van dien stam raain binnen, maggen t eten.
12 Ik geef die t beste van olieveneulie en t beste van wien en koorn, t eerste der van dat zai aan de HEER geven.
13 t Eerste van ales wat op t laand staait en dat ze aan de HEER brengen, is veur die. Aal dij van dien stam raain binnen, maggen t eten.
14 Ales woar in Israël ban op legd is, is veur die.
15 Ales wat t eerst geboren wordt van aal wat leeft en wat ze aan de HEER geven, van mensken en van vij, is veur die. Allain eerstgeborenen van mensken zelstoe zunder meer löskopen loaten, en eerstgeborenen van onraaine daaiern zelstoe löskopen loaten.
16 Wat heur löspries aangaait: as t n moand old is, mostoe t löskopen loaten veur n pries van vief sjekel zulver, noar t gewicht van haailegdomsjekel, dij is twinneg gera.
17 Allain eerstgeborene van n rund, van n schoap of n ooibok zelstoe nait löskopen loaten; dij binnen haaileg. Heur bloud mostoe op t altoar sprenkeln en heur vet most opbranden as n vuurovver, as n aangenoame lucht veur de HEER.
18 Mor t vlaais zel veur die wezen, net as bòrststok van t wijovver en rechterschenkel.
19 Ale pozzies van haailege goaven dij Isrelieten aan de HEER brengen, geef ik die, dien zeuns en dien dochters, as n recht veur aaid. Dat is veur t aangezicht van de HEER n aiweg verbond, mit zolt bekrachtegd, veur die en veur dien noazoaten."
20 De HEER zee tegen Aäron: "Krigst in t laand gain aarfdail en maank Isrelieten krigst gain lap grond: onder Isrelieten bin ik dien stok grond en dien aarfdail.
21 Aan Levieten geef ik ale tienden van Isrelieten as aarfdail, in ruil veur aarbaid dij zai doun, t waark aan soamenkomsttènt.
22 Isrelieten maggen noamelk nait meer dichtbie soamenkomsttènt kommen, aans zellen ze schuld op heur loaden en staarven.
23 Mor Levieten mouten t waark aan soamenkomsttènt doun en zai binnen verantwoordelk veur ongerechtegheden. Dat is n instellen veur aaid veur aal dien geslachten. Ze kriegen gain aarfdail maank aandere Isrelieten.
24 Want tienden van Isrelieten dij ze as aandail aan de HEER geven, geef ik aan Levieten as aarfdail. Doarom heb ik wat heur aangaait, zegd: 'Ze kriegen gain aarfdail maank aandere Isrelieten.'"
25 De HEER zee tegen Mozes:
26 "Tegen Levieten most zeggen: 'As ie van Isrelieten tienden kriegen dij ik joe geef as joen aarfdail, den mout ie doar n pozzie van aan de HEER geven, n tiende van n tiende.
27 Dat wordt rekend as joen biedroage veur de HEER, zo as van koorn van dörsdeel en zo as van volle opbrengst van tree-kelder.
28 Zo zel ie ook n aandail aan de HEER geven van aal joen tienden dij ie van Isrelieten kriegen. En ie mouten joen paart veur de HEER priester Aäron geven.
29 Van aal wat ie kriegen mout ie joen paart aan de HEER geven, aal t beste doarvan, as n haailege goave.'
30 En most heur ook zeggen: 'As ie t beste doarvan as aandail geven, geldt dat veur joe, Levieten, as opbrengst van dörsvlouer en tree-kelder.
31 Ie maggen t op elke plek opeten, ie en joen femilie, want t is t loon in ruil veur joen waark bie soamenkomsttènt.
32 Ie zellen gain schuld op joe loaden en haailege goaven van Isrelieten nait ontwijden as ie t beste geven as joen pozzie, want aans zel ie staarven.'"
|
Numeri 19
01De HEER zee tegen Mozes en Aäron:
02"Dit is n instellen dij de HEER opdragt: Zeg Isrelieten dat ze joe n rode, geve veers brengen, zunder n gebrek, en doar nog nooit n juk op legen het.
03Ie mouten hom aan priester Eleazar geven. Ze mouten kou boeten t kaampement laaiden en slachten doar priester bie staait.
04Den mout priester Eleazar mit zien vinger wat van t bloud nemen en dat zeuven keer sprenkeln in richten van soamenkomsttènt.
05Den mout men veers veur zien ogen opbranden: t vèl, t vlaais en t bloud mout men mit inhold van moag opbranden.
06Priester mout cederholt, majoraan en karmezien kriegen en dat boven op brandende kou gooien.
07Vervolgens mout priester zien goud wasken en zien liggoam mit wotter ofspoulen en den weer in t kaampement kommen, mor aan oavend tou zel priester onraain wezen.
08Wèl kou opbraandt mout zien goud in wotter wasken en zien liggoam ofspoulen mit wotter. Mor aan oavend tou zel e onraain wezen.
09n Raaine man mout aask van veers opvegen en op n raaine plek boeten kaampement hènleggen. t Aask wordt bie gemainschop van Isrelieten opburgen veur t wijwotter, dat bruukt wordt as zundeovver.
10 Dij aask van veers opveegd het, mout zien goud wasken, mor hai blift aan oavend tou onraain. Dit is zowel veur Isrelieten as veur vremden dij bie heur wonen, n inzetten veur aaid.
11 Wèl n liek van wat veur leventeg wezen ook aankomt, is zeuven doag onraain.
12 Op daarde dag mout e zok vrijmoaken van zunde en op zeuvende dag zel e raain wezen. Mor as e zok op daarde dag nait vrijmoakt van zunde, is e op zeuvende dag nait raain.
13 Elk dij n liek aanrakt, n leventeg wezen dij sturven is, en zok nait vrijmoakt van zunde, ontwijdt tabbernoakel van de HEER. Dij persoon mout verstöt worden oet Israël. Omreden t wijwotter wer nait op hom sprenkeld, is e onraain; zien onraainhaid rust nog op hom.
14 Dit is regel as ter ain in tènt sturven is: elk dij tènt ingaait en aal wat in tènt aanwezeg is, zel zeuven doag onraain wezen.
15 En elk open vat doar gain stevege deksel op zit, is onraain.
16 Elk dij in t vrije veld ain aankomt dij deur n sweerd doodsloagen is, of n liek of bonken van n mensk, of n graf, is zeuven doag onraain.
17 Ze mouten veur onraaine man aask pakken van opbraande veers veur zundeovver, en doar wat stromend wotter op gaiten in n vat.
18 Den mout n raaine man majoraan kriegen, t in wotter deupen en t op tènt sprenkeln, op ale voaten en personen dij doar west hebben en op degene dij bonken aanroakt het of ain dij sneuveld is of n liek of n graf.
19 Dij raain is, mout onraaine op daarde en op zeuvende dag besprenkeln, wat hom op zeuvende dag vrijmoaken mout van zunde. Hai mout zien goud wasken en zok mit wotter ofspoulen, den is e soavends raain.
20 Mor ain dij onraain worden is en zok nait vrijmoaken let van zunde, dij wordt van gemainschop ofsneden, omdat e t haailegdom van de HEER onraain moakt het. Der is gain wijwotter op hom sprenkeld, hai blift doarom onraain.
21 Dit is veur heur n instellen veur aaid. Wèl t wijwotter sprenkeld het, mout zien goud wasken en wèl t wijwotter aanroakt het, is onraain tot aan oavend tou.
22 Ales wat onraaine aan west het, is onraain en wèl hom aankomt, is onraain aan oavend tou."
|
Numeri 20
01Isrelieten, haile gemainschop, gingen in eerste moand noar woestijn Sin, en t volk huil tou in Kades. Doar kwam Mirjam te overlieden en ze wer doar begroaven.
02Dou der gain wotter veur t volk was, vörmden ze n front tegen Mozes en Aäron.
03t Volk muik roezie mit Mozes. Ze zeden: "Wazzen wie mor om haals kommen dou ons bruiers omkwammen veur t aangezicht van de HEER.
04Woarom heb ie t volk van de HEER in dizze woestijn brocht, dat wie en ons vij hier staarven?
05Woarom heb ie ons optrekken loaten oet Egypte en ons op dizze minne plek brocht, doar niks verbaauwd wordt. Der staait gain vieg, gain wiendroef en gain grenoatappel, en der is gain drinkwotter."
06Dou gingen Mozes en Aäron bie vergoadern weg noar ingang van soamenkomsttènt en ze luiten zok deelvalen mit t gezicht aan grond. Dou verscheen heur glorie van de HEER.
07De HEER zee tegen Mozes:
08"Krieg dij staf en roup ie baaident t volk bie nkander, doe mit bruier Aäron, en bestel rots doar zai bie binnen, den zel e wotter geven. Doe zelst veur heur ogen wotter tou rots oetkommen loaten en volk en vij te drinken geven."
09Mozes kreeg staf oet t haailegdom, zo as de HEER hom opdroagen haar.
10 Mozes en Aäron raipen t volk bie nkander veur rots en hai zee tegen heur: "Luster ais, rebelse lu, zel wie tou dizze rots oet wotter veur joe kommen loaten?"
11 Dou dee Mozes zien haand omhoog en sluig rots mit staf, twij moal, en der kwam n bult wotter oetzetten zodat volk en vij drinken konden.
12 De HEER zee tegen Mozes en Aäron: "Omreden ie hebben nait op mie vertraauwd en omreden ie hebben mie veur t oog van Israëls volk nait haaileg holden, breng ie dit volk nait noar t laand dat ik heur geef."
13 Dit is t wotter van Meriba woar Isrelieten op de HEER scholden en hai heur zien haaileghaid teunde.
14 Mozes stuurde tou Kades oet boden op pad noar keunenk van Edom: "Joen bruier Israël dut joe dit bericht: Ie waiten ja wel van swoaregheden doar wie mit te stellen haren.
15 Hou ons veurgeslacht noar Egypte tou trok en dat we doar hail laank west hebben en dat Egyptenoars ons net as ons ollu min behandelden.
16 Dou raipen wie de HEER aan. Hai heurde ons roupen, stuurde n engel en laaidde ons oet Egypte. Kiek ais hier, wie binnen nou in Kades, n stad op swet van joen kontraain.
17 Loat ons toch deur joen laand trekken. Wie zellen nait deur joen akkers sjaauwen en nait deur joen droevetoenen lopen en wie zellen nait van t wèlwotter drinken. Wie gonnen over keunenksweg, wie zellen nait noar rechts of noar links ofdraaien, totdat wie deur joen gebied hèn binnen."
18 Mor Edomieten zeden tegen hom: "Ie maggen nait deur ons laand trekken, aans kommen wie mit sweerden op joe òf."
19 Isrelieten zeden tegen heur: "Wie lopen over hoofdweg en as wie of ons vij van joen wotter drinken, betoal wie joe pries der van."
20 Mor Edomieten zeden: "Ie kommen der nait langs!" Ze gingen heur in muit mit n groot leger en goud gewoapend.
21 Dou Edomieten t waaigerde om deurtocht deur zien kontraain te geven, bogen Isrelieten ziedoet van Edom òf.
22 Noadat ze tou Kades oetgoan wazzen, kwammen Isrelieten, haile gemainschop, bie baarg Hor.
23 Bie baarg Hor, aan grèns van Edom, zee de HEER tegen Mozes en Aäron:
24 "Aäron zel te ruste goan bie zien volk, want hai komt nait in t laand dat ik aan Isrelieten geef, omdat ie bie wotters van Meriba mien bevel negeerd hebben.
25 Neem doe Aäron en zien zeun Eleazar mit, en laaid heur baarg Hor op.
26 Loat Aäron zien tenu oetdoun en trek t zien zeun Eleazar aan. Den zel Aäron bie zien veurgeslacht te ruste goan en doar staarven."
27 Mozes dee zo as de HEER hom opdroagen haar. Ze beklommen baarg Hor veur ogen van haile gemainschop.
28 Mozes luit Aäron zien tenu oettrekken en dee t zien zeun Eleazar aan. Dou sturf Aäron doar op kruun van baarg, en Mozes kwam mit Eleazar weer omdeel van baarg òf.
29 Dou haile gemainschop zag dat Aäron overleden was, ging hail Israël datteg doag in raauw om Aäron.
|
Numeri 21
01Dou Kanaänietische keunenk van Arad dij in Negev woonde, heurde dat Isrelieten der aankwammen over weg van Atarim, ging e mit Isrelieten vechten en nam n poar man kriegsgevangen mit.
02Isrelieten deden de HEER n gelofte: "As ie ons dit volk haildaal in handen geven, zel wie heur steden mit ban sloagen."
03De HEER lusterde noar Israëls roup om hulp en gaf Kanaänieten aan heur over. Isrelieten muiken heur dood en sluigen heur steden aan puun. Doarom muiken ze n Chorma van dij ploats.
04Dou ze van baarg Hor vandoan trokken wazzen in richten van Raaitzee, mit t oog op dat ze om Edom hèntrekken zollen, wer t volk onderwegens ongedureg.
05t Volk zee tegen God en tegen Mozes: "Woarom heb ie ons oet Egypte laaid? Om te staarven in woestijn? Der is ja gain brood en gain wotter en dizze hongerkost komt ons tou neus oet."
06De HEER stuurde bietske slangen op t volk òf. Dij beten heur, zodat ter verschaaident van Israël sturven.
07t Volk kwam bie Mozes: "Wie hebben ons mishad, want wie hebben op de HEER en op joe scholden. Beed de HEER dat e slangen bie ons weg dut." Mozes beedde veur t volk.
08De HEER zee tegen Mozes: "Moak die n bietske slaang en zet hom op n staang. Den vaalt t veur, dat elkenain dij beten is en der noar kikt, in leven blift."
09Mozes muik n kopern slaang en zette dij op n staang. En joa hur, as ain deur n slaang beten was en dij keek op noar kopern slaang, den bleef e in leven.
10 Isrelieten trokken weg en zetten heur kaamp op in Obot.
11 Van Obot vandoan trokken ze weg en zetten heur kaamp op in Ijje-Haäbarim in woestijn tegenover Moäb, in t oosten.
12 Doarvandoan broken ze op en zetten t kaampement op in Zereddaal.
13 Doarvandoan broken ze op en zetten tènten op aan aanderkaant Arnon; dij komt oet t gebied van Amorieten en lopt deur woestijn, want Arnon is swet tussen Moäb en Amorieten.
14 Doarom wordt ter zegd in t Bouk van oorlogen van de HEER:
"... Waheb in Sufa
en beekdoalen van Arnon
15 en t daal van wotterstromen,
dat lopt tot aan t hoes Ar,
dat ligt tegen grèns van Moäb."
16 Doarvandoan ging t wieder noar Beër. Dat is wèl doar de HEER van tegen Mozes zegd het: "Hoal t volk bie nkander, den geef ik heur wotter."
17 Dou het Israël dit laid zongen:
"Wèl op, wèl!
Zing veur wèl
18 dij vorsten gruiven,
deur edelsten van t volk oethoold
mit scepter en staf."
Van woestijn ging t wieder noar Mattana.
19 Van Mattana noar Nachaliël, van Nachaliël noar Bamot
20 van Bamot noar t daal dij in t Veld van Moäb ligt, en noar Pisga. Kruun van Pisga het oetzicht op Jesimon.
21 Israël stuurde boden noar Sichon, keunenk van Amorieten.
22 Ze zeden: "Loat ons deur joen laand trekken. Wie zellen nait van weg ofkommen deur joen akkers of droevetoenen hèn, wie zellen gain wotter tou wèllen oet drinken. Wie goan over keunenksweg, totdat we deur joen kontraain hèntrokken binnen."
23 Mor Sichon ston Israël t nait tou om deur zien gebied te trekken. Hai raip t haile leger op en trok Isrelieten in muit, woestijn in. Dou e bie Jahas kommen was, ging e stried aan mit Israël.
24 Mor Isrelieten versluigen hom en nammen zien laand in bezit, van Arnon òf tot aan Jabbok tou, tot aan Ammonieten, omreden grèns mit Ammonieten was verstaarkt.
25 Israël nam aal dij steden in en ging wonen in ale Amorietische steden, in Chesbon en dörpen der omtou.
26 Want Chesbon was stad van Sichon, keunenk van Amorieten. Hai haar tegen vrougere keunenk van Moäb streden en dij zien laand ofnomen tot aan Arnon tou.
27 Doarom zeggen spreukendichters:
"Kom in Chesbon, baauw stad weer op,
moak stad van Sichon weer staark.
28 Want vuur kwam tou Chesbon oetzetten,
n vlam oet Sichon zien stad.
t Verteerde Ar-Moäb,
de heren op högten van Arnon.
29 Wai doe, Moäb,
verloren gaaist, volk van Kemos.
Hai muik zien zeuns tou vluchtelingen
en gaf zien dochters in gevangenschop aan Sichon,
keunenk van Amorieten.
30 Wie hebben heur beschoten,
heur laand ging verloren,
van Chesbon tot Dibon tou.
Wie verrinnewaaierden t,
van Nofach tot Medeba."
31 Israël ging wonen in t laand van Amorieten.
32 Noadat Mozes lu op pad stuurd haar om Jazer te verkennen, nammen ze dörpen der omtou in en verjuigen Amorieten dij doar woonden.
33 Dou muiken ze n bocht en trokken in richten van Basan. Og, keunenk van Basan, trok heur in muit, hai en zien haile leger, veur t gevecht bie Edreï.
34 Mor de HEER zee tegen Mozes: "Wees nait benaauwd veur hom, want ik geef hom mit zien haile leger en zien haile volk in joen macht en ie zellen mit hom doun zo as ie doan hebben mit Sichon, keunenk van Amorieten, dij in Chesbon woonde."
35 Zai versluigen hom en zien zeuns en zien haile volk, zodat ter gain vluchteling van heur overbleef, en ze nammen t laand in bezit.
|
Numeri 22
01Isrelieten trokken wieder en zetten heur tènten hèn op Vlakte van Moäb, aan aanderkaant Jordaan bie Jericho.
02Balak, zeun van Sippor, zag ales wat Isrelieten mit Amorieten doan haren.
03Moäbieten werden slim baang dou ze t volk zagen, want t was talriek. Ze werden doodsbenaauwd veur Isrelieten.
04Dou zeden Moäbieten tegen oldsten van Midjan: "Nou zel dij mennegte ons haile kontraain leeg eten, zo as n os ales wat gruin is van t veld opvret." In dij tied was Balak keunenk van Moäb.
05Dij stuurde boden noar Bileam, zeun van Beor, in Petor aan Eufraat, in t laand doar keunenk weg kwam. Ze zollen hom ophoalen mit te zeggen: "Kiek, n volk trok op oet Egypte. En verdold, ze nemen haile roemte in beslag. Ze zitten hier vlak tegenover.
06Kom hierheer en vervluik mie dit volk, want t is mie te maans. Meschain kin ik ze den versloagen en tou mien laand oetjoagen. Ik wait zeker: wèl ie zegen, is zegend, en wèl ie vervluiken, is vervlökt."
07Dou gingen oldsten van Moäb en Midjan op pad, t loon veur n woarzegger in buus. Ze gingen noar Bileam tou en zeden tegen hom wat Balak zegd haar.
08"Blief hier vannaacht," zee e, "den zel ik joe te kennen geven wat de HEER mie zegt." Laaiders van Moäb bleven doarom bie Bileam.
09Dou kwam God bie Bileam en zee: "Wèl binnen dij manlu doar bie die?"
10 Bileam zee tegen God: "Balak, zeun van Sippor, keunenk van Moäb, het mie dit bericht doan:
11 'Kiek, n volk trok op oet Egypte en ze nemen haile roemte in beslag. Kom hier heer, vervluik mie ze. Meschain kin ik der den tegen strieden en heur wegjoagen.'"
12 Mor God zee tegen Bileam: "Gaaist nait mit heur mit, zelst t volk nait vervluiken, omreden t is n zegend volk."
13 Bileam ging smörgensvroug tou bèr oet. Hai zee tegen Balak zien laaiders: "Goa mor weerom noar joen laand tou, want de HEER waaigert mie t om mit joe mit te goan."
14 Laaiders van Moäb muiken heur raaisveerdeg en gingen weerom noar Balak. Ze zeden: "Bileam waaigert om mit te kommen."
15 Mor Balak stuurde weer nije laaiders, meer in aantal en vernoamer as dizzent.
16 Dou dij bie Bileam kwammen, zeden ze tegen hom: "Balak, zeun van Sippor, zegt: 'Loat niks joe der van weerholden om noar mie tou te kommen.
17 Want ik zel joe riek belonen en ik dou sekuur wat ie zeggen. Kom toch hier en vervluik mie dit volk.'"
18 Mor Bileam gaf Balaks gezanten as antwoord: "Al gaf Balak mie zien haile hoes vol zulver en gold, den nog kon ik, hou den ook, nait ingoan tegen t bevel van de HEER, mien God.
19 Wel, blief ook ie hier vannaacht, den zel k opheuren wat de HEER verder tegen mie zeggen zel."
20 Snaachts kwam God bie Bileam en zee: "Nou dizze manlu bie die kommen binnen om die te hoalen, most mor mit heur mitgoan, mor magst allain doun wat ik die zeg."
21 Bileam ging smörgensvroug tou bèr oet, legde t zoadel op ezelmerrie en ging mit laaiders van Moäb mit.
22 Dou e op pad ging, wer God glìn. n Engel van de HEER ging op weg stoan om hom tegen te holden. Bileam zat op ezel en hai haar twij knechten bie hom.
23 Dou ezel engel van de HEER op weg stoan zag mit t sweerd in haand, laip e van weg òf t veld in. Bileam sluig ezel om hom weer op zied op weg te sturen.
24 Dou ging engel van de HEER op n smaal wegje stoan tussen droevetoenen; aan weerskanten ston n muur.
25 Dou ezel engel van de HEER zag, laip e stief bie muur langs en drokte Bileam zien vout tegen muur. Weer sluig e ezel.
26 Engel van de HEER ging dou op n nog smaler stee stoan, doar links of rechts gain roemte was om oet te wieken.
27 Dou ezel engel van de HEER zag, ging e der bie liggen terwiel dat Bileam der nog op zat. Kerel wer koegels en sluig ezel mit zien stòk.
28 Dou gaf de HEER sproak aan ezel en dij zee tegen Bileam: "Wat heb ik die misdoan dastoe mie nou drij moal sloagen hest?"
29 Bileam zee tegen ezel: "Omdastoe de gugel mit mie hest. As ik n sweerd in handen had haar, haar k die doodmoakt."
30 Mor ezel zee tegen Bileam: "Bin ik nait joen aigen ezelmerrie doar ie joen haile levent al op reden hebben? Heb ik joe ooit eerder zo behandeld?" Bileam zee van nee.
31 Dou dee de HEER Bileam ogen open en hai zag engel van de HEER op weg stoan mit t sweerd in haand. Bileam bokte zok en huil t gezicht aan grond.
32 Engel van de HEER zee tegen hom: "Woarom hest dien ezel nou drij moal sloag geven? Kiek, ik bin hier kommen om die tegen te holden. t Is tegen mien wil en dizze weg stört die in ofgrond.
33 Ezel zag mie wel, en dij is drij keer veur mie oetzied goan. As ezel nait oetweken was, haar ik die juust doodmoakt en ezel haar k leven loaten."
34 Dou zee Bileam tegen engel van de HEER: "Ik heb mie mishad, omreden ik wos ja nait dat ie tegen mie over op weg stonden. Nou, as t verkeerd is in joen ogen, goa k wel weerom."
35 Mor engel van de HEER zee tegen Bileam: "Goa mit dij manlu mit. Mor zelst allain zeggen wat ik die veurzeg." Bileam ging mit laaiders van Balak mit.
36 Dou Balak heurde dat Bileam der aankwam, ging e hom in muit tot aan Moäbitische stad dij haildaal aan raand van t stroomgebied van Arnon op grèns ligt.
37 Balak zee tegen Bileam: "Ik heb toch bie herhoalen mensken noar joe toustuurd om joe op te hoalen? Woarom kwam ie nait? Zol ik joe echt nait belonen kinnen?"
38 Mor Bileam zee tegen Balak: "Kiek, ik bin nou wel noar joe toukommen, mor zol ik ook wat zeggen kinnen? Allain wat God mie in mond geft, zel k zeggen."
39 Dou ging Bileam mit Balak mit en ze kwammen in Kirjat-Chusot.
40 Balak ovverde rundvij, schoapen en ooibokken en gaf der wat van aan Bileam en aan laaiders dij bie hom wazzen.
41 Aanderdoagsmörgens nam Balak Bileam mit en brochde hom op Bamot-Baäl; doarvandoan zag e n stokje van t volk Israël.
|
Numeri 23
01Bileam zee tegen Balak: "Baauw mie hier zeuven altoaren en moak mie hier zeuven ozzen en zeuven rammen kloar."
02Balak dee wat Bileam zegd haar en hai ovverde mit Bileam n os en n ram op elk altoar.
03Dou zee Bileam tegen Balak: "Goa bie joen brandovver stoan in tied dat ik votgoa. Meschain dat de HEER bie mie komt. Ales wat hai mie zain let, ik zel joe t mitdailen." En hai ging noar n koale högte.
04God kwam bie Bileam. Bileam zee: "Ik heb zeuven altoaren op n rieg zet en op elk altoar n os en n ram ovverd."
05De HEER gaf n spreuk in Bileams mond en zee: "Goa weerom noar Balak tou en zeg t krekt zo."
06Dou e bie hom kwam, ston Balak mit ale laaiders van Moäb nog bie zien brandovver.
07Bileam zee zien spreuk op:
"Tou Aram oet huil Balak mie op,
keunenk van Moäb,
tou baargen oet in t oosten:
'Kom, vervluik mie Jakob,
kom, verwèns mie Israël.'
08Wat zel ik vervluiken
woar God nait vervlökt?
Wat zel ik verwènsen
woar God nait verwènst?
09Want van kruun van rotsen òf zai ik heur,
van heuvels òf wor ik heur gewoar.
Kiek toch ais, n volk dat allain woont
en zok nait rekent onder volken.
10 Wèl telt t stof van Jakob
en t getal van dij haile bult Isrelieten?
Loat mien dood wezen as van rechtveerdegen,
loat mien èndje wezen as heurent."
11 Dou zee Balak tegen Bileam: "Wat heb ie mie nou leverd? Om mien vijanden te vervluiken heb ik joe kommen loaten, mor ie zegen ja."
12 Mor hai gaf as antwoord: "Zel ik nait sekuur zeggen wat de HEER mie in mond geft?"
13 Balak zee tegen hom: "Kom mit noar n aander stee tou doar ie heur beter zain kinnen. t Haile volk zai ie doar wel nait, mor toch n stokje der van. Vervluik ze mie van dat stee òf."
14 Dou nam hai hom mit noar t Sofimsveld, noar kruun van Pisga. Hai baauwde doar zeuven altoaren en ovverde n os en n ram op elk altoar.
15 Hai zee tegen Balak: Goa hier bie joen brandovver stoan in tied dat ik doar gunders ofwacht.
16 De HEER kwam bie Bileam en gaf hom n spreuk in mond en zee: Goa weerom noar Balak en zeg t krekt zo.
17 Bileam kwam bie Balak weerom, dij ston nog mit laaiders van Moäb bie zien brandovver en Balak zee tegen hom: Wat het de HEER zegd?
18 Dou zee hai zien spreuk op:
"Stoa kloar, Balak, en luster,
heur noar mie, zeun van Sippor.
19 God is gain mensk dat e laigen zol,
of n menskenkind dat e beraauw hebben zol.
Zol hai wat zeggen en t nait doun
of zien woord geven en t nait volbrengen?
20 Zai es, ik heb opdracht kregen om te zegen,
en as hai zegent, kin ik t nait keren.
21 Men aanschaauwt gain onhaail in Jakob,
men zugt gain ramp in Israël.
De HEER, heur God, is mit heur,
t joechaaien klinkt op over heur keunenk.
22 God, dij heur oet Egypte laaidde,
is heur tou as hoorns van n buvvel.
23 Gain teuverij tegen Jakob,
gain oroakel tegen Israël.
t Is ter nou tied van dat ter tegen Jakob
en Israël zegd wordt wat God dut.
24 Kiek, n volk dat as n laiw opstaait
en as n laiwin in t èn komt,
dij der nait weer bie liggen gaait
eerdat e n prooi opvreten het
en t bloud dronken het van wat sneuvelde."
25 Balak zee tegen Bileam: "As ie heur beslist nait vervluiken willen, mout ie heur in gain gevaal zegen."
26 Mor Bileam antwoordde Balak: "Heb ik joe nait verteld: 'Aal wat de HEER zegt, mout ik doun?'"
27 Balak zee tegen Bileam: "Kom mit, ik breng joe noar n aander stee. Meschain vindt God t goud dat ie mie heur doarvandoan vervluiken."
28 Balak nam Bileam mit noar kruun van Peor. Doarvandoan kikt men oet over Jesimon.
29 Bileam zee tegen Balak: "Baauw mie hier zeuven altoaren en moak mie hier zeuven ozzen en zeuven rammen kloar."
30 Balak dee wat Bileam zegd haar en hai ovverde n os en n ram op elk altoar.
|
Numeri 24
01Bileam zag dat t goud was in ogen van de HEER om Israël te zegen, en hai was nait net as eerdere keren oet op veurlopen, mor hai keek mit t gezicht noar woestijn.
02En Bileam sluig zien ogen op en hai zag Israël, stam bie stam, en gaist van God kwam over hom.
03Dou zee hai zien spreuk op:
"Spreuk van Bileam, zeun van Beor,
spreuk van man dij ogen open kreeg.
04Spreuk van dij Gods woorden heurt,
dij gezichten van Alderhoogste schaauwt,
dij deelligt mit opengedoane ogen.
05Wat goud binnen dien tènten, Jakob,
wat mooi dien woonsteeën, Israël.
06As beekdoalen strekken ze zok oet,
as toenen bie revier langs,
as iesbloumkes dij de HEER poot het,
as cederbomen aan t wotter.
07t Wotter lopt Israël over emmers,
zien zoad krigt wotter te over,
hoger as Agag komt zien keunenk,
zien keunenkschop is hoog verheven.
08God dij hom tou Egypte oetlaaidde,
is hom tou as hoorns van n buvvel.
Vijandege volken vret e op,
heur bonken brekt e in stokken,
hai vlogt heur aan en verbriezelt ze.
09Hai kromt zok as n laiw,
gaait liggen as n laiwin,
wèl duurt hom kwoad moaken?
Zegend dij die zegen,
vervlökt dij die vervluiken!"
10 Dou wer Balak glìn op Bileam. Hai schemaaierde mit aarms in lucht en zee tegen Bileam: "Om mien vijanden te vervluiken heb ik joe kommen loaten, en kiek nou ais, ie hebben nou al drij keer n zegen oetsproken.
11 Nou, vot ie, noar hoes tou! Ik heb zegd dat k joe riek belonen zol, mor de HEER het joe der ofholden."
12 Mor Bileam zee tegen Balak: "Heb ik t den nait zegd tegen boden dij ie stuurd hebben:
13 'Al gaf Balak mie zien haile hoes vol zulver en gold, den nog kon ik, hou den ook, nait oet miezulm ingoan tegen t bevel van de HEER. Wat de HEER sprekt, dat zeg ik.'
14 Mor goud, ik goa weerom noar mien volk tou. Kom, ik zel joe waiten loaten wat dit volk joen volk loater aandoun zel."
15 Dou zee e zien spreuk:
"Spreuk van Bileam, zeun van Beor,
spreuk van man dij ogen open kreeg.
16 Spreuk van dij Gods woorden heurt
dij gezichten van Alderhoogste schaauwt,
dij deelligt mit opengedoane ogen.
17 Ik zai hom, mor nou nait,
ik aanschaauw hom, mor nait van schroabie;
n steern gaait op oet Jakob,
n scepter komt op oet Israël,
dij verbriezelt sloapen van Moäb
en kruun van kop van Set zien kroost.
18 Den zel e Edom in bezit nemen
en Seïr zel zienent wezen,
zien vijanden.
Israël is machteg en krachteg.
19 Ain oet Jakob zel heersen
en dij ontkommen binnen oet stad,
zel e ombrengen."
20 Dou e Amalek zag, zee e spreuk van:
"Eerste maank volken is Amalek,
mor t èn is ondergang."
21 Dou e Kenieten zag, zee e spreuk van:
"Vaast is joen woonstee
en steveg op rots is joen nust.
22 Toch zelstoe wegvoagd worden, Kaïn,
hou laank nog en Assur brengt die gevangen vot."
23 Dou zee e spreuk van:
"Wèl blift in leven as God dit aaltemoal dut?
24 Mor van kust van Kittiërs kommen schepen aanzetten.
Dij zellen Assur der onder kriegen en Eber onderdrokken,
En ook zai gonnen ten onder."
25 Dou muik Bileam hom raaisveerdeg, ging hèn en keerde weerom noar zien woonstee, en ook Balak ging noar hoes tou.
|
Numeri 25
01Dou Israël in Sittim touhuil, begunden manlu te klongeln mit Moäbitische vraauwen.
02Dij nuigden heur bie slachtovvers om gemainschop mit goden. t Volk at van t ovvervlaais en ze bogen daip veur heur goden.
03Dou Israël zok inloaten haar mit Baäl van Peor, wer God gloeiend op Israël.
04De HEER zee tegen Mozes: "Krieg ale kopstukken van t volk en hang heur veur de HEER op in boare zun, dat de HEER zien glìnneghaid van Israël ofwendt."
05Dou zee Mozes tegen rechters van Israël: "Ie mouten ale manlu doodmoaken dij zok inloaten hebben mit Baäl van Peor."
06En woarachteg, terwiel dat haile gemainschop t zag dou ze zatten te schraiven veur soamenkomsttènt, kwam ain van Isrelitische manlu veur Mozes zien aigen ogen n Midjanitische vraauw bie zien bruiers brengen.
07Dou Pinechas, zeun van Eleazar, zeun van priester Aäron, dat zag, stoof e middenmaank t volk in t èn en greep zien speer.
08Dou e Isrelitische man inhoald haar tot in t vraauwenvertrek, stook hai heur baaident deur t lief, man oet Israël en vraauw. Ploag over Israël was vot doan.
09t Wazzen vaaierntwinnegdoezend in totoal dij aan ploag sturven wazzen.
10 De HEER zee tegen Mozes:
11 "Pinechas, zeun van Eleazar, priester Aärons zeun, het mien kwoadens over Israël ofwend deurdat e onder heur hail ieverg veur mie optreden is, zodat ik in mien iever Isrelieten nait ombrocht heb.
12 Doarom most hom zeggen: 'Kiek, ik geef die mien vreeverbond.'
13 Doarmit beloof ik hom en zien noazoaten t priesterschop veur aaid. Omreden hai het veur zien God ieverd en hai het Isrelieten weer in t raaine brocht."
14 Isrelitische man dij tougelieks mit Midjanitische vraauw doodmoakt wer, haitte Zimri. t Was n zeun van Salu, n femilie-oldste van stam Simeon.
15 Midjanitische vraauw dij doodmoakt wer, haitte Kozbi. Zai was n dochter van Sur, n stamoldste van Midjan.
16 De HEER zee tegen Mozes:
17 "Behandel Midjanieten as joen vijanden en moak heur dood.
18 Want zai hebben joe vijandeg behandeld in heur lozeghaid dij ze tegen joe aan dag legd hebben, wat bleek bie Peor en wat dudelk wer mit Kozbi, dochter van n Midjanitische laaidsman, ain van heur aigen volk, dij doodmoakt wer tiedens ploag noa t veurvaal bie Peor."
19 Noa ploag vuil t veur,
|
Numeri 26
01dat de HEER tegen Mozes en Eleazar, priester Aärons zeun, zee:
02"Tel onder haile gemainschop van Isrelieten per femilie ale manlu van twinneg joar en older dij in t leger dainen kinnen."
03Mozes en priester Eleazar spraken heur aan op Vlakte van Moäb, aan Jordaan bie Jericho,
04manlu van twinneg joar en older, zo as de HEER Mozes besteld haar.
Dit binnen Isrelieten dij tou Egypte oettrokken wazzen:
05Ruben is Israëls eerstgeborene; ofstammelingen van Ruben wazzen: van Chanoch t geslacht van Chanochieten, van Pallu t geslacht van Palluïeten,
06van Chesron t geslacht van Chesronieten, van Karmi t geslacht van Karmieten.
07Dit binnen geslachten van Rubenieten, mitnkander 43.730.
08Pallu zien zeun haitte Eliab,
09en zeuns van Eliab wazzen Nemuël, Datan en Abiram. Dizze Datan en Abiram, in aanzain in gemainschop, wazzen t dij mit aanhang van Korach stried aangoan wazzen mit Mozes en Aäron tegen de HEER,
10 mor eerde haar mond openzet en haar heur mit Korach verslonden, terwiel dat t vuur twijhonderdfiefteg man verteerde en zien aanhang sturf. En zo werden ze n gedenktaiken.
11 Mor Korach zien zeuns kwammen nait om haals.
12 Ofstammelingen van Simeon, rangschikt noar geslachten: van Nemuël t geslacht Nemuëlieten, van Jamin t geslacht Jaminieten, van Jachin t geslacht Jachinieten,
13 van Zerach t geslacht Zarchieten, van Saül t geslacht Saülieten.
14 Dit binnen geslachten van Simeonieten, mitnkander 22.200.
15 Ofstammelingen van Gad, rangschikt noar geslachten: van Sefon t geslacht van Sefonieten, van Chaggi t geslacht van Chaggieten, van Suni t geslacht Sunieten,
16 van Ozni t geslacht van Oznieten, van Eri t geslacht van Erieten,
17 van Arod t geslacht van Arodieten, van Areli t geslacht van Arelieten.
18 Dit binnen geslachten van Gaddieten, mitnkander 40.500.
19 Zeuns van Juda: Er en Onan, mor Er en Onan sturven al in Kanaän.
20 Ofstammelingen van Juda, rangschikt noar geslachten: van Sela t geslacht Selanieten, van Peres t geslacht Parsieten, van Zerach t geslacht van Zarchieten.
21 Ofstammelingen van Peres: van Chesron t geslacht van Chesronieten, van Chamul t geslacht van Chamulieten.
22 Dit binnen geslachten van Juda, mitnkander 76.500.
23 Ofstammelingen van Issachar, rangschikt noar geslachten: van Tola t geslacht van Tolaïeten, van Puwwa t geslacht van Punieten,
24 van Jasub t geslacht van Jasubieten, van Simron t geslacht van Simronieten.
25 Dit binnen geslachten van Issachar, mitnkander 64.300.
26 Ofstammelingen van Zebulon, rangschikt noar geslachten: van Sered t geslacht van Sardieten, van Elon t geslacht van Elonieten, van Jachleël t geslacht van Jachleëlieten.
27 Dit binnen geslachten van Zebulonieten, mitnkander 60.500.
28 Zeuns van Jozef: Manasse en Efraïm. Baaident haren n noageslacht.
29 Ofstammelingen van Manasse: van Machir t geslacht van Machirieten. Machirs zeun was Gilead en van Gilead kwam t geslacht van Gileadieten.
30 Dit wazzen ofstammelingen van Gilead: van Iëzer t geslacht van Iëzrieten, van Chelek t geslacht van Chelkieten,
31 van Asriël t geslacht van Asriëlieten, van Sechem t geslacht van Sichmieten,
32 van Semida t geslacht van Semidaïeten, van Chefer t geslacht van Chefrieten.
33 Chefers zeun Selofchad haar gain zeuns, mor wel dochters. Noamen van dochters van Selofchad wazzen Machla, Noä, Chogla, Milka en Tirsa.
34 Dit binnen geslachten van Manasse, mitnkander 52.700.
35 Ofstammelingen van Efraïm, rangschikt noar geslachten: van Sutelach t geslacht Sutalchieten, van Becher t geslacht van Bachrieten, van Tachan t geslacht van Tachanieten.
36 Ofstammelingen van Sutelach: van Eran t geslacht Eranieten.
37 Dit binnen geslachten van Efraïmieten, mitnkander 32.500. Dit wazzen ofstammelingen van Jozef, rangschikt noar geslachten.
38 Ofstammelingen van Benjamin, rangschikt noar geslachten: van Bela t geslacht van Balieten, van Asbel t geslacht van Asbelieten, van Achiram t geslacht van Achiramieten,
39 van Sefufam t geslacht van Sufamieten, van Chufam t geslacht van Chufamieten.
40 Zeuns van Bela wazzen Ard en Naäman. Van Ard t geslacht Ardieten, van Naäman t geslacht van Naämieten.
41 Dit wazzen ofstammelingen van Benjamin, rangschikt noar geslachten, mitnkander 45.600.
42 Ofstammelingen van Dan, rangschikt noar geslachten: van Sucham t geslacht Suchamieten. Dit wazzen geslachten van Dan.
43 Veur geslachten van Suchamieten stonden der 64.400 aantaikend.
44 Ofstammelingen van Aser, rangschikt noar geslachten: van Jimna t geslacht van Jimnaïeten, van Jiswi t geslacht van Jiswieten, van Beria t geslacht van Beriïeten.
45 Van zeuns van Beria: van Cheber t geslacht van Chebrieten, van Malkiël t geslacht van Malkiëlieten.
46 Noam van Asers dochter was Serach.
47 Dit wazzen geslachten van Aserieten, mitnkander 53.400.
48 Ofstammelingen van Naftali, rangschikt noar t geslacht: van Jachseël t geslacht van Jachseëlieten, van Guni t geslacht van Gunieten,
49 van Jeser t geslacht van Jisrieten, van Sillem t geslacht van Sillemieten.
50 Dit wazzen geslachten van Naftalieten, rangschikt noar t geslacht, mit nkander 45.499.
51 Dit is t aantal opschreven Isrelieten: 601.730.
52 De HEER zee tegen Mozes:
53 "Onder dizze lu zel t laand verdaild worden, noar t aantal opschreven noamen.
54 Veur n grode stam most t aarfdail groot moaken en veur n lutje stam most t klaain moaken; noar t aantal monden mout elk zien aarfdail hebben.
55 t Laand mout deur t löt verdaild worden; ze mouten t in bezit nemen overainkomsteg t aantal stamnoamen.
56 Zo as t löt beslist, wordt t aarfdail bepoald, mor wel noar grootte van stam."
57 Dizzent wazzen van Levieten aantaikend, rangschikt noar t geslacht: van Gerson t geslacht van Gersonieten, van Kehat t geslacht van Kehatieten, van Merari t geslacht van Merarieten.
58 Dit wazzen geslachten van Levi: t geslacht van Libnieten, t geslacht van Chebronieten, t geslacht van Machlieten, t geslacht van Musieten, t geslacht van Korchieten. Kehats zeun was Amram.
59 Noam van Amram zien vraauw was Jochebed. Zai was n dochter van Levi, dij Levi's vraauw kreeg in Egypte. Jochebed kreeg mit Amram kinder: Aäron, Mozes en dij heur zuster Mirjam.
60 Aäron kreeg kinder: Nadab en Abihu, Eleazar en Itamar.
61 Nadab en Abihu kwammen om dou ze aan de HEER vuur brochten dat nait in odder was.
62 t Aantal Levieten dij opschreven wazzen, ale manvolk van n moand en older, bedruig 23.000. Zai werden noamelk nait teld bie inschrieven omreden ze kregen zulm gain aarfdail onder Isrelieten.
63 Dizzent binnen teld deur Mozes en priester Eleazar, dij Isrelieten aantaikend hebben op Vlakte van Moäb, aan Jordaan bie Jericho.
64 Doar wazzen gainent bie van lu dij in Sinaiwoestijn teld wazzen deur Mozes en Aäron,
65 want de HEER haar zegd dat ze wis in woestijn staarven zollen. Der was gainain van heur overbleven, behaalve Kaleb Jefunneszeun en Jozua Nunszeun.
|
Numeri 27
01n Keer kwammen dochters van Selofchad der over tou. Selofchad was n zeun van Chefer, zeun van Gilead, zeun van Machir, zeun van Manasse. Wichter haitten Machla, Noä, Chogla, Milka en Tirsa.
02Ze verschenen veur Mozes, priester Eleazar, laaiders en haile gemainschop bie ingang van soamenkomsttènt en zeden:
03"Ons voader is in woestijn sturven, schoon dat e nait bie Korach zien aanhang was dij tegen de HEER in opstand kwam, mor hai is sturven om zien aigen zunde. Hai haar gain zeuns.
04Woarom zol noam van ons voar verswinnen oet geslachten, omreden hai het gain zeun? Geef ons n lap grond in aigendom, net as bruiers van ons voar."
05Mozes legde heur zoak veur aan de HEER.
06De HEER zee tegen Mozes:
07"Wichter van Selofchad hebben t goud veur. Most heur vanzulm ook n stok grond in bezit geven net as bruiers van heur voader. t Aarfdail dat heur voader aans kregen haar, most aan heur overdroagen.
08En most tegen Isrelieten zeggen: 'As ain overlidt en dij het gain zeun, mout ie t bezit overdoun aan zien dochters.
09En as e gain dochter het, mout ie zien bezit aan zien bruiers geven.
10 En as e gain bruiers het, mout ie zien bezit aan bruiers van zien voader geven.
11 En as zien voader gain bruiers het, mout ie zien bezit aan sibste femilie geven, dat dij t krigt. Dit is n rechtsregel veur Isrelieten, zo as de HEER Mozes besteld het.'"
12 De HEER zee tegen Mozes: "Klim op dizze baarg, Abarim, en bezai t laand dat ik Isrelieten geven heb.
13 As t bekeken hest, zelst ook bie dien volk te ruste goan, net as dien bruier Aäron.
14 Omreden in woestijn Sin wastoe ook stiefzinneg dou gemainschop ruier wer. Dou haarstoe mie veur heur ogen haaileg holden mouten. (Dit was t wotter van Meribat bie Kades in woestijn Sin.)
15 Mozes zee tegen de HEER:
16 "HEER, God dij levensoam geft aan aal wat leeft, ie mouten n man aanstellen over gemainschop,
17 dij veur heur aangoan kin en dij heur laaidt, dij heur stuurt en weer op stee brengt, dat gemainschop van de HEER nait wezen zel as schoapen dij gain hedder hebben."
18 De HEER zee tegen Mozes: "Hoal Jozua, zeun van Nun, op, n man doar keroazie in zit, en leg hom dien haand op.
19 Zet hom veur priester Eleazar en veur haile gemainschop en geef hom opdracht doar ze bie binnen.
20 Droag dien aanzain aan hom over, zodat haile gemainschop hom geheurzoamen zel.
21 Bie n beslizzen mout hai veur priester Eleazar stoan goan en dij gaait veur t aangezicht van de HEER te roade bie Urim. As dij t zegt, kinnen Jozua en Isrelieten oettrekken en as dij t zegt, kinnen ze weeromkommen, haile gemainschop."
22 Mozes dee wat de HEER hom besteld haar: hai huil Jozua op, stelde hom veur priester Eleazar en veur haile gemainschop.
23 Hai legde hom haand op en gaf hom opdracht, zo as de HEER sproken haar deur dainst van Mozes.
|
Numeri 28
01De HEER zee tegen Mozes:
02"Droag Isrelieten op: 'Ie mouten der om denken dat ie mien ovvergoaven op tied brengen, t eten dat aan mie geven wordt as vuurovver, mie n aangenoame geur.'
03Zeg tegen heur: 'Dit mout t vuurovver wezen dat ie de HEER brengen: twij geve interrammen per dag as t bestendeg brandovver.
04Aine jonge ram mout ie smörgens kloarmoaken en aander in twijdonkern.
05Doar mout n tiende efa waaitenbloum bie as meelovver aanmengd mit n kwaart hin olieveneulie.
06Dat is t bestendeg brandovver dat insteld is op baarg Sinai, as n aangenoame lucht bie t vuurovver veur de HEER.
07Wienovver dij der bie heurt, bestaait oet n kwaart hin veur elke jonge ram. Ie mouten wienovver oetgaiten veur de HEER in t haailegdom.
08Aandere jonge ram mout ie bie duusteroavend kloarmoaken. Net as meelovver smörgens en touheurende wienovver, mout ie t kloarmoaken as n vuurovver mit n aangenoame geur veur de HEER.
09Op sabbatdag mout ie twij geve interrammen kloarmoaken en twij tienden waaitenbloum as n meelovver aanmengd mit olieveneulie en wienovver dij der bie heurt.
10 Dat is t brandovver veur sabbat dat ie op sabbatdag brengen mouten, boven t bestendeg brandovver en touheurende wienovver.
11 Op joen duustermoansfeesten mout ie de HEER as n brandovver brengen: twij jonge bollen, ain ram en zeuven geve interrammen.
12 Mit drij tienden waaitenbloum as meelovver aanmengd mit olieveneulie bie elke jonge bol en twij tienden waaitenbloum as meelovver aanmengd mit olieveneulie bie dij aine ram
13 en aingoal n tiende waaitenbloum bie elke jonge ram, ales bie nkander n vuurovver as n aangenoame lucht veur de HEER.
14 Touheurende wienovver mout bestoan oet n haalve hin wien bie n jonge bol, n daarde hin bie n ram en n kwaart hin bie n jonge ram. Dat is t duustermoanbrandovver dat elke moand van t joar brocht wordt.
15 En der mout nog n rambok as zundeovver kloarmoakt worden veur de HEER, boven t bestendeg brandovver en t touheurende wienovver.
16 Op n vattienden van eerste moand zel t Pesach wezen ter ere van de HEER.
17 Op n vieftienden van dij moand zel t feest wezen. Zeuven doag laank et men den ongerezen brood.
18 Eerste dag is n haailege dag, den mag ie gain waark doun.
19 Den mout ie de HEER n vuurovver brengen, n brandovver dij bestaait oet twij jonge bollen, ain ram en zeuven interrammen, aaltemoal geef.
20 Doar mout je t touheurende meelovver bie kloarmoaken: waaitenbloum aanmengd mit olieveneulie, drij tienden bie n jonge bol en twij tienden bie ram,
21 en n tiende bie elk van zeuven jonge rammen,
22 mit nog n rambok om joe weer in t raaine te brengen.
23 Ofgezain van t brandovver dat elke mörgen brocht wordt as t bestendeg brandovver, mout ie dit kloarmoaken.
24 Zeuven doag laank mout ie dit elke dag kloarmoaken, meel, vuurovvers, tou n aangenoame geur veur de HEER, boven t bestendeg brandovver en t touheurende wienovver.
25 Op zeuvende dag is weer n haailege dag, den mag ie gain waark doun.
26 Dag van eerste opbrengst, t Wekenfeest, as ie t nije meelovver aan de HEER brengen, zel ook n haailege dag wezen. Den mag ie gain waark doun.
27 Den mout ie n brandovver brengen as n aangenoame geur veur de HEER: twij jonge bollen, ain ram en zeuven interrammen,
28 en t touheurende meelovver: waaitenbloum aanmengd mit olieveneulie, drij tienden bie elke jonge bol, twij tienden bie dij aine ram,
29 en aalweg n tiende bie elk van zeuven jonge rammen,
30 mit n rambok om joe weer in t raaine te brengen.
31 Dit mout ie kloarmoaken, ofgezain van t bestendeg brandovver en t touheurende meelovver. Net as t touheurende wienovver mout t apmoal geef wezen.
|
Numeri 29
01Eerste dag van zeuvende moand zel ook n haailege dag wezen. Ie maggen den gain waark doun, t is n dag van trompetgeschal.
02Den mout ie n brandovver kloarmoaken as n aangenoame geur veur de HEER: ain jonge bol, ain ram en zeuven interrammen,
03en t touheurende meelovver: waaitenbloum aanmengd mit olieveneulie, drij tienden bie jonge bol, twij tienden bie ram,
04en n tiende bie elk van jonge rammen,
05mit nog n rambok as zundeovver om joe weer in t raaine te brengen
06boven t moandelkse brandovver en t touheurende meelovver en t bestendeg brandovver mit t touheurende meelovver en touheurende wienovvers zo as t veurschrift is, as n aangenoame geur, n vuurovver veur de HEER.
07Ook tiende dag van zeuvende moand mout n haailege dag wezen. Ie mouten joe den ontholden en ie maggen gain waark doun.
08Den mout ie n brandovver brengen as n aangenoame geur veur de HEER: n jonge bol, n ram en zeuven interrammen, apmoal zunder n gebrek,
09mit t touheurende meelovver: waaitenbloum aanmengd mit olieveneulie, drij tienden bie jonge bol, twij tienden bie ram
10 en n tiende bie elk van zeuven jonge rammen
11 mit nog n rambok as zundeovver om joe weer in t raaine te brengen en t bestendeg brandovver mit t touheurende meelovver en touheurende wienovvers.
12 Ook vieftiende dag van zeuvende moand mout weer n haailege dag wezen. Den mag ie gain waark doun. Vier tou eer van de HEER zeuven doag feest.
13 Breng as brandovver, n vuurovver as n aangenoame geur veur de HEER: dattien jonge bollen, twij rammen en vattien interrammen, apmoal zunder n gebrek,
14 mit t touheurende meelovver: waaitenbloum aanmengd mit olieveneulie, drij tienden bie elk van dattien jonge bollen, twij tienden bie elk van baaide rammen,
15 en n tiende bie elk van vattien interrammen,
16 mit n rambok as zundeovver om joe weer in t raaine te brengen. Dit is nog boven t bestendeg brandovver en t touheurende meelovver en t touheurende wienovver.
17 Op twijde dag ovver ie twaalf jonge bollen, twij rammen en vattien interrammen, apmoal zunder n gebrek,
18 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
19 mit nog n rambok as zundeovver om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
20 Op daarde dag ovver ie elf jonge bollen, twij rammen en vattien interrammen, apmoal zunder n gebrek,
21 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
22 mit nog n rambok as zundeovver om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
23 Op vaaierde dag ovver ie tien jonge bollen, twij rammen en vattien interrammen, apmoal zunder n gebrek,
24 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
25 mit nog n rambok om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
26 Op viefde dag ovver ie negen jonge bollen, twij rammen en vattien interrammen, apmoal zunder n gebrek,
27 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
28 mit nog n rambok as zundeovver om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
29 Op zèsde dag ovver ie aacht jonge bollen, twij rammen en vattien interrammen, apmoal zunder n gebrek,
30 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
31 mit nog n rambok as zundeovver om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
32 Op zeuvende dag ovver ie zeuven jonge bollen, twij rammen en vattien interrammen, apmoal zunder n gebrek,
33 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
34 mit nog n rambok as zundeovver om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
35 Op aachtste dag mout ie n feestelke soamenkomst hebben, den mag ie gain waark doun.
36 Breng den n brandovver, n vuurovver as n aangenoame geur veur de HEER: n jonge bol, n ram en zeuven interrammen, apmoal zunder n gebrek,
37 en t touheurende meelovver mit t touheurende wienovver bie elk van jonge bollen en bie interrammen zo as t veurschrift is,
38 mit nog n rambok as zundeovver om joe weer in t raaine te brengen. Dit nog boven t bestendeg brandovver en t touheurende meelovver en t touheurende wienovver.
39 Dit mout ie veur de HEER kloarmoaken op hillege doagen as joen brandovver, joen meelovvers, joen wienovvers en joen daankovvers, ofgezain van geloftes en joen vrijwillege goaven.'"
|
Numeri 30
01Mozes zee ales tegen Isrelieten wat de HEER hom verteld haar.
02Mozes zee tegen stamoldsten van Isrelieten: "Dit is t woord dat de HEER sproken het:
03As n man de HEER n gelofte dut of n aid dut op n verplichten dij e aangaait, mag hai zien woord nait breken, mor mout hai ales doun wat e zee.
04Mor as n vraauw n gelofte dut of n verplichten op heur nemt as ze nog as jonk wicht thoes woont
05en heur voader kreeg t wel te heuren welke gelofte of verplichten zai zok oplegd het, mor hai dut t swiegen der tou, den blieven aal heur geloftes en verplichtens van kracht.
06Mor as heur voader heur integen komt as e t te heuren krigt, is gainain van geloftes of verplichtens dij ze zok oplegd het van kracht, en de HEER zel heur t vergeven omdat heur voader heur weerstoan het.
07As ze in tied traauwd is en heur geloftes of ondeurdochte belofte dij ze zok oplegd het, rusten nog op heur,
08en heur man krigt t wel te heuren, mor hai dut t swiegen der tou, den blieven heur geloftes van kracht en heur verplichtens dij ze op zok nomen het, blieven ook van kracht.
09Mor as heur man heur integen kommen is dou e t te heuren kreeg, den het hai gelofte dij op heur rust, of ondeurdochte belofte dij ze zok oplegd het, ongeldeg moakt en de HEER zel heur t vergeven.
10 Wat gelofte van n wedevraauw of van n verstötte vraauw aangaait: ale verplichtens dij zai zok opleggen, blieven van kracht.
11 As n traauwde vraauw n gelofte doan het of n aid dut op n verplichten
12 en heur man krigt t te heuren, mor hai komt heur nait integen, den blieven aal heur geloftes van kracht en elke verplichten dij ze zok oplegd het, blift van kracht.
13 Mor as heur man zoks noadrokkelk ongeldeg moakt op dag dat hai t te heuren krigt, den is gainain van heur touzeggens van kracht, zowel geloftes nait as ook verplichtens nait. Heur man het ze ongeldeg moakt, en de HEER zel heur t vergeven.
14 Elke gelofte en elke verplichten tot vasten, kin heur man bekrachtegen of ongeldeg moaken.
15 Mor as heur man n dag en n naacht laank noadrokkelk tegen heur swigt, den bekrachtegt hai aal heur geloftes en ale verplichtens dij op heur rusten; hai bekrachtegt ze omdat e tegen heur swegen het dou e t te heuren kreeg.
16 Mor moakt hai ze noadrokkelk ongeldeg noadat e t heurd het, den dragt hai verantwoorden."
17 Dit binnen inzettens dij de HEER Mozes opdruig wat betreft man en vraauw, voader en n jonge dochter as dij nog bie hom in hoes woont.
|
Numeri 31
01De HEER zee tegen Mozes:
02"Zeg tegen Isrelieten dat ze zok vreken mouten op Midjanieten, doarnoa zelstoe bie dien volk te ruste goan."
03Dou zee Mozes tegen t volk: "Loat n aantal manlu van joe in t leger goan en vroak van de HEER op Midjanieten voltrekken.
04Van elk geslacht oet elke stam mouten der doezend man in t leger dainen."
05Zo werden der doezend man oet elk geslacht van Israëls stammen oproupen, twaalf doezend dij der kloar veur wazzen om in t leger te goan.
06Mozes gaf heur bevel veur veldtocht, doezend van elke stam mit Pinechas, zeun van priester Eleazar dij haailege attributen bie hom haar en trompetten om alaarm te bloazen.
07Zai trokken op veur stried zo as de HEER besteld haar, en ze sluigen ale manlu dood.
08Ook muiken ze bovendat keunenks van Midjan nog dood, te waiten Ewi, Rekem, Sur, Chur en Reba, vief in totoal. Ook Bileam, zeun van Beor, muiken ze dood mit t sweerd.
09Isrelieten nammen Midjanitische vraauwen en ale lutje kinder gevangen en ale rundern en aander vij, en heur haile vermogen nammen ze mit as plundergoud.
10 Ale steden doar ze in woonden en aal heur legerkampen braandden ze op.
11 Ze kregen ale plundergoud en haile vangst van mensken en daaiern,
12 en nammen gevangenen en plundergoud mit noar Mozes, priester Eleazar en gemainschop van Isrelieten, in t kaampement op Vlakte van Moäb, aan Jordaan bie Jericho.
13 Mozes en priester Eleazar en ale laaiders van gemainschop laipen heur in muit.
14 Mozes wer bienens op bevelhebbers, aanvoerders van doezend en kommedanten van honderd, dij weeromkwammen van veldtocht.
15 Mozes zee: "Heb ie ale vraauwlu in leven loaten?
16 Op aanroaden van Bileam wazzen dij t nou net, dij Isrelieten boven in kop haren, zodat ze de HEER destieds bie Peor ontraauw werden en der n ploag van de HEER over gemainschop kwam.
17 Nou den, moak ale kinderkes van t manlek geslacht dood en ale vraauwlu dij gemainschop had hebben deur mit n man te sloapen.
18 Mor ale wichterkes dij nog nait deur n man besloapen binnen, loat joe dij leven.
19 En ie zulm, blief zeuven doag boeten t kaampement. Alen dij ain doodmoakt hebben en alen dij n gesneuvelde aan west hebben, mouten heur raain moaken loaten op daarde en op zeuvende dag, ie zulm en joen gevangenen.
20 Ook ale klaaier, ale veurwaarpen van leer, aalwat van ooibokken moakt is en elk holten stok raif mout raain moakt worden."
21 Dou zee priester Eleazar tegen manlu dij in t leger goan wazzen om te vechten: "Dit is wetsveurschrift dat de HEER aan Mozes opdroagen het:
22 'Allain gold, zulver, koper, iesder, tin en lood,
23 ales wat t vuur wel verdroagen kin, mout ie deur t vuur hoalen om raain te worden., mor t mout ook deur t wotter dat raain moakt. Aal t aander dat t vuur nait haarden kin, mout ie deur t wotter hènhoalen.
24 En op zeuvende dag mout ie joen goud wasken, den bin ie raain en kin ie weer noar t kaampement kommen.'"
25 De HEER zee tegen Mozes:
26 "Doe, priester Eleazar en femilie-oldsten, mouten haile koppel gevangenen, mensken en daaiern, tellen
27 en verdailen, ain haalfschaid onder manlu dij aan t gevecht mitdoan hebben en aander haalfschaid onder gemainschop.
28 Aan manlu dij mitvochten hebben mostoe n belasten veur de HEER opleggen: ain op de viefhonderd mensken, rundern, ezels, schoapen en ooibokken;
29 doar most helfte van nemen en aan priester Eleazar geven as belasten veur de HEER.
30 Mor van aander haalfschaid veur Isrelieten most ain op de fiefteg kriegen van dij gevangen nomen binnen, van mensken, rundern, ezels, schoapen en ooibokken en ale aander daaiern, en dij geven aan Levieten dij zörgen veur tabbernoakel van de HEER."
31 Mozes en priester Eleazar deden zo as de HEER Mozes besteld haar.
32 t Plundergoud beston, behaalve spullen dij t kriegsvolk al verdaild haar, oet 675.000 schoapen en ooibokken,
33 72.000 rundern,
34 61.000 ezels
35 en mensken, te waiten 32.000 vraauwen dij gain biesloap had haren.
36 Dus beston haalfschaid veur manlu dij in t leger goan wazzen oet 337.500 schoapen en ooibokken
37 en as belasten veur de HEER van schoapen en ooibokken 675;
38 36.000 rundern en as belasten veur de HEER 72;
39 30.500 ezels en as belasten veur de HEER 61;
40 en 16.000 mensken en as belasten veur de HEER 32.
41 Mozes gaf belasten veur de HEER aan priester Eleazar zo as de HEER Mozes opdroagen haar.
42 Aander haalfschaid veur Isrelieten dij Mozes schaaiden haar van manlu dij mitdeden aan veldtocht,
43 haalfschaid veur gemainschop bedruig
44 337.500 schoapen en ooibokken,
45 36.000 rundern en 30.500 ezels
46 en 16.000 mensken.
47 Mozes nam van haalfschaid veur Isrelieten ain op de fiefteg van gevangenen, van mensken en van vij, en gaf dat aan Levieten dij zörgen veur tabbernoakel van de HEER, net as de HEER Mozes opdroagen haar.
48 Dou kwammen bevelhebbers van t leger, aanvoerders van doezend en kommedanten van honderd bie Mozes.
49 Ze zeden: "Wie hebben t aantal kriegslu opnomen dij onder ons bevel stonden, en der mist nait ain van.
50 Wie brengen wat wie vonden hebben aan golden spullen en as ovvergoave aan de HEER: enkelketjes, aarmbanden, vingerringen, oorringen en haalsketten, om veur t aangezicht van de HEER weer n raain gewaiten te kriegen."
51 Mozes en priester Eleazar kregen ale goldgoud en ale bewaarkte sieroaden.
52 Ale goldgoud dat ze as belasten veur de HEER ind haren van aanvoerders over doezend en kommedanten over honderd, woog 16.750 sjekel.
53 t Kriegsvolk haar elk veur zokzulm veroverd.
54 Mozes en priester Eleazar kregen t gold van aanvoerders van doezend en van aanvoerders van honderd en brochten dat noar soamenkomsttènt, veur t aangezicht van de HEER, as n herinnern veur Isrelieten.
|
Numeri 32
01Koppels vij van Rubenieten en Gadieten wazzen talriek, biezunder groot. Zai bekeken t laand van Jazer en t laand van Gilead en zagen dat t n geschikt stee was veur vij.
02Gadieten en Rubenieten gingen noar Mozes, priester Eleazar en laaiders van t volk tou, en zeden:
03"t Gebied van Atarot, Dibon, Jazer, Nimra, Chesbon, Elale, Sebam, Nebo en Beon
04dat de HEER veur t volk Israël veroverd het, is krekt laand veur vij. En wie hebben ja vij."
05Ze zeden: "As ie ons goudgezind binnen, geef ons den dit grond in aigendom en loat ons nait Jordaan overtrekken."
06Mor Mozes zee tegen Gadieten en Rubenieten: "Ie willen hier blieven, terwiel dat joen bruiers nog aan t vechten mouten?
07Woarom wil ie Isrelieten moud ontnemen om over te trekken noar t laand dat de HEER heur geven het?
08Joen voaders deden al net zo dou ik heur tou Kades-Barnea oet noar t laand tou stuurde om t te bekieken.
09Zai kwammen aan t Eskoldaal tou, bekeken t laand en ontnammen dou Isrelieten moud om t laand dat de HEER heur geven haar, verder in te trekken.
10 Dou wer de HEER glìn en hai swoor:
11 'Manlu dij oet Egypte trokken binnen van twinneg joar en older, zellen t laand nait zain dat ik Abraham, Isaak en Jakob mit n aid beloofd heb, omdat ze mie nait vertraauwden.
12 Behaalve Kenizziet Kaleb Jefunneszeun en Jozua Nunszeun, want dij hebben op de HEER vertraauwd.'
13 Kwoadens van de HEER kwam opzetten tegen Israël en hai luit heur vatteg joar laank in woestijn omswinnen, tot dij haile generoatsie dij in ogen van de HEER t verkeerde doan haar, vergoan was.
14 Kiek, nou dou ie, noazoaten van dij bröd zundege manlu, krekt zo as joen voaders, dat kwoadens van de HEER tegen Israël nog slimmer wordt.
15 As ie joe van hom ofkeren, zel e heur nog laanger in woestijn loaten en ie zellen dit haile volk in t verdaarf störten."
16 Zai kwammen op hom tou en zeden: "Wie willen hier schoapkoven baauwen veur ons vij en steden veur ons lutje kinder.
17 Wie zulm zellen ons kloarmoaken veur stried, in koppels strieders, veur Isrelieten oettrekken, tot wie heur op heur aigen stee brocht hebben. Ons kinder kinnen in tied in verstaarkte steden blieven, mit t oog op bewoners van t laand.
18 Wie gonnen nait noar hoes tou, eerdat elke Isreliet zien aarfdail in bezit kregen het.
19 Mor wie huiven nait net as zai n aarfdail hebben aan aanderkaant Jordaan, as wie ons aarfdail mor kriegen aan diskaant van Jordaan, doar zun opkomt."
20 Dou zee Mozes tegen heur: "As ie dat ook doun, as ie joe veur t aangezicht van de HEER kloarmoaken veur stried,
21 en ale manlu van joe dij kloarstonden, trekken veur de HEER Jordaan over en keren nait weerom tot de HEER aal zien vijanden veur zok oet verdreven het,
22 zodat t laand veroverd is veur de HEER en doarnoa keer ie eerst weerom, den stoan ie vrij veur de HEER en veur Israël, en wordt dit laand veur t aangezicht van de HEER joen aigendom.
23 Mor dou ie nait zo, joa, den begoan ie n zunde veur de HEER, en mout ie waiten dat joen zunde joe te vinden wait.
24 Baauw joe steden veur joen lutje kinder en koven veur joen schoapen en ooibokken en dou verder wat ie zeden."
25 Gadieten en Rubenieten zeden tegen Mozes: "Wie doun zo as ie t zeggen.
26 Ons lutjen, ons vraauwen, ons koppels schoapen en ooibokken en aal ons vij, blieven hier in steden van Gilead,
27 mor wie manlu steken over, alen dij der kloar veur binnen om in t leger te goan, om te strieden veur de HEER, net as ie zeggen."
28 Dou gaf Mozes aanwies omtrent heur aan priester Eleazar en Jozua Nunszeun en aan femilie-oldsten van stammen Isrelieten.
29 Hai zee: "As Gadieten en Rubenieten mit joe Jordaan overtrekken, ale striedveerdege manlu, om veur de HEER te strieden, en t laand veur joe veroverd is, den mout ie heur Gilead as grond in aigendom geven.
30 Mor as striedboare manlu nait mit joe oversteken, den mout ie heur in Kanaän laand geven."
31 Dou antwoordden Gadieten en Rubenieten: "Wat de HEER ons zegd het, zel wie zuver zo doun.
32 Wie zulm zellen veur t aangezicht van de HEER bewoapend oversteken noar Kanaän, mor t aarfdail dat onzent blift, ligt aan diskaant van Jordaan."
33 Dou gaf Mozes Gadieten, Rubenieten en haalve stam Manasse, Jozef zien zeun, t keunenkriek van Sichon, keunenk van Amorieten en t keunenkriek van Og, keunenk van Basan, t laand mit steden en kontrainen om steden tou.
34 Gadieten baauwden steden Dibon, Atarot, en Aroër weer op,
35 mit Atrot-Sofan, Jazer, Jogbeha,
36 Bet-Nimra en Bet-Haran en ze muiken schoapkoven.
37 Rubenieten baauwden steden Chesbon, Elala, en Kirjataïm weer op,
38 mit Nebo en Baäl-Meon, steden dij eertieds aans haitten, en Sibma, en ze gavven n nije noam aan steden dij ze baauwden.
39 Kinder van Machir, zeun van Manasse, trokken noar Gilead. Ze veroverden t en verjuigen Amorieten dij der touhuilen.
40 Mozes gaf Gilead dou aan Machir, zeun van Manasse, en dij ging der wonen.
41 Jaïr, ook n zeun van Manasse, trok der op oet en veroverde dörpen doar. Hai nuimde ze Jaïrsdörpen.
42 Ook Nobach ging op pad, veroverde Kenat mit onderheurege dörpen en nuimde t noar homzulm, Nobach.
|
Numeri 33
01Dit binnen plaaisterploatsen van Isrelieten dij onder laaiden van Mozes en Aäron, indaild in legerainheden, tou Egypte oettrokken.
02Mozes schreef noamelk op t bevel van de HEER vertrekpunten op, van aine halte noar aandere. Dit binnen haltes, van ain noar aander:
03Op n vieftienden van eerste moand, doags noa Pesach, vertrokken ze oet Rameses, bevrijd en wel, veur ogen van Egyptenoars.
04Hail Egypte was dou nog drok aan t begroaven van eerstgeboren mensken en daaiern dij de HEER doodmoakt haar; aan heur goden voltrok de HEER zien straf.
05Isrelieten vertrokken dus van Rameses en sluigen t kaamp op in Sukkot.
06Van Sukkot vertrokken ze en sluigen t kaamp op in Etam aan raand van woestijn.
07Van Etam vertrokken ze en huilen tou in Pi-Hachirot, dat tegen Baäl-Sefon over ligt en ze sluigen t kaamp op in Migdol.
08Van Pi-Hachirot vertrokken ze en trokken dwaars deur zee noar woestijn. Ze gingen drij dagraaizen vèr woestijn van Etam in en sluigen t kaamp op in Mara.
09Van Mara vertrokken ze en kwammen in Elim. In Elim wazzen twaalf wèllen en seuventeg paalmbomen en doar sluigen ze t kaamp op.
10 Van Elim vertrokken ze en sluigen t kaamp op aan Raaitzee.
11 Van Raaitzee vertrokken ze en sluigen t kaamp op in woestijn Sin.
12 Van woestijn Sin vertrokken ze en sluigen t kaamp op in Dofka.
13 Van Dofka vertrokken ze en sluigen t kaamp op in Alus.
14 Van Alus vertrokken ze en sluigen t kaamp op in Refidim. Doar was gain drinkwotter veur t volk.
15 Van Refidim vertrokken ze en sluigen t kaamp op in Sinaiwoestijn.
16 Van Sinaiwoestijn vertrokken ze en sluigen t kaamp op in Kibrot-Hattaäwa.
17 Van Kibrot-Hataäwa vertrokken ze en sluigen t kaamp op in Chaserot.
18 Van Chaserot vertrokken ze en sluigen t kaamp op in Ritma.
19 Van Ritma vertrokken ze en sluigen t kaamp op in Rimmon-Peres.
20 Van Rimmon-Peres vertrokken ze en sluigen t kaamp op in Libna.
21 Van Libna vertrokken ze en sluigen t kaamp op in Rissa.
22 Van Rissa vertrokken ze en sluigen t kaamp op in Kehelata.
23 Van Kehelata vertrokken ze en sluigen t kaamp op bie baarg Sefer.
24 Van baarg Sefer vertrokken ze en sluigen t kaamp op in Charada.
25 Van Charada vertrokken ze en sluigen t kaamp op in Makhelot.
26 Van Makhelot vertrokken ze en sluigen t kaamp op in Tachat.
27 Van Tachat vertrokken ze en sluigen t kaamp op in Terach.
28 Van Terach vertrokken ze en sluigen t kaamp op in Mitka.
29 Van Mitka vertrokken ze en sluigen t kaamp op in Chasmona.
30 Van Chasmona vertrokken ze en sluigen t kaamp op in Moserot.
31 Van Moserot vertrokken ze en sluigen t kaamp op in Bene-Jaäkan.
32 Van Bene-Jaäkan vertrokken ze en sluigen t kaamp op in Chor-Haggidgad.
33 Van Chor-Haggidgad vertrokken ze en sluigen t kaamp op in Jotbata.
34 Van Jotbata vertrokken ze en sluigen t kaamp op in woestijn Abrona.
35 Van Abrona vertrokken ze en sluigen t kaamp op in Esjon-Geber.
36 Van Esjon-Geber vertrokken ze en sluigen t kaamp op in woestijn Sin, in Kades.
37 Van Kades vertrokken ze en sluigen t kaamp op bie baarg Hor op grèns van Edom.
38 Dou klom Aäron op bevel van de HEER op baarg Hor en doar sturf e in t vattegste joar noa oettocht van Isrelieten oet Egypte, op n eersten van viefde moand.
39 Aäron was honderddrijentwinneg joar dou e sturf op baarg Hor.
40 Dou heurden Kanaänieten, mit noame keunenk van Arad dij in Negev in Kanaän woonde, dat Isrelieten der aankwammen.
41 Van Hor vertrokken ze en sluigen t kaamp op in Salmona.
42 Van Salmona vertrokken ze en sluigen t kaamp op in Punon.
43 Van Punon vertrokken ze en sluigen t kaamp op in Obot.
44 Van Obot vertrokken ze en sluigen t kaamp op bie Ijje-Haäbarim op grèns van Moäb.
45 Van Ijje-Haäbarim vertrokken ze en sluigen t kaamp op in Dibon-Gad.
46 Van Dibon-Gad vertrokken ze en sluigen t kaamp op in Almon-Diblataïm.
47 Van Almon-Diblataïm vertrokken ze en sluigen t kaamp op in t Abarimgebaargte, bie Nebo.
48 Van t Abarimgebaargte vertrokken ze en sluigen t kaamp op op Vlakte van Moäb, aan Jordaan bie Jericho.
49 Ze sluigen t kaampement op bie Jordaan langs, van Bet-Hajjesimot tot aan Abel-Hassittim op Vlakte van Moäb.
50 Op Vlakte van Moäb, aan Jordaan bie Jericho, zee de HEER tegen Mozes:
51 "Zeg tegen Isrelieten: 'As ie Jordaan oversteken noar t laand Kanaän,
52 den mout ie ale bewoners van t laand veur joe oet votjoagen, aal heur stainen beelden en aal heur goten figuren mout ie vernailen, aal heur ovverhögten mout ie slichtmoaken.
53 Den zel ie t laand in bezit kriegen en der wonen, want ik geef joe t in bezit.
54 Ie mouten t laand deur t löt verdailen onder geslachten. n Groot geslacht mout je n groot aarfdail touwiezen, n luk geslacht mout je t aarfdail klaainer moaken. Doar t löt op vaalt, dat krigt elk. Ie mouten t bezit stamsgewies toubedailen.
55 Mor as ie bewoners van t laand nait veur joe oet verdrieven, den zellen lu dij ie van heur overloaten, joe wezen as doorns in joen ogen en as prikstiekels in joen zied. Ze zellen joe inpaarken in t laand doar ie wonen.
56 Den gebeurt joe der, wat ik van plan was mit heur te doun.'"
|
Numeri 34
01De HEER zee tegen Mozes:
02"Geef Isrelieten dizze aanwies: 'As ie in Kanaän kommen, is dit t laand dat ie in bezit kriegen, t laand Kanaän mit zien grènzen:
03Zuudgrèns lopt van woestijn Sin bie Edom langs en begunt bie t zuudoostelk oetèn van Zoltzee.
04Doar bogt grèns oetzied om zuudkaant van Schorpioenpas tou en lopt deur noar Sin en komt zuud van Kades-Barnea oet en lopt verder via Chasar-Adar noar Asmon.
05Bie Asmon bogt grèns noar Beek van Egypte en lopt verder noar zee tou.
06Westgrèns is Grode Zee. Dat is joen westelke grèns.
07En dit is noordgrèns: Van Grode Zee òf mout je n lien trekken noar baarg Hor.
08Van baarg Hor òf mout je n lien trekken noar Lebo-Hamat, dij oetkomt bie Sedad.
09Den gaait grèns noar Zifron en komt e oet bie Chasar-Enan. Dit is noordelke grèns.
10 As grèns in t oosten mout je boaken zetten van Chasar-Enan noar Sefam.
11 Van Sefam lopt grèns omdeel noar Haribla, oost van Aïn, vervolgens lopt e verder omdeel bie baarghelgen langs aan oostkaant van t Kinneretmeer.
12 Den gaait grèns wieder bie Jordaan langs noar Zoltzee. Dit binnen grènzen van t laand dat veur joe is.'"
13 Mozes gaf Isrelieten dizze aanwies: "Dat is t laand dat ie nkander deur t löt touwiezen mouten en dat ie noar t bevel van de HEER aan negenenhaalve stam geven worden mouten.
14 Want femilies van stam van Rubenieten en femilies van stam van Gadieten en haalve stam Manasse hebben heur aarfdail al kregen.
15 Twijenhaalve stam hebben heur aarfdail al kregen aan aanderkaant Jordaan bie Jericho, in t oosten op, woar zun opkomt."
16 De HEER zee tegen Mozes:
17 "Dit binnen noamen van manlu dij joe t laand touwiezen mouten: priester Eleazar en Jozua, zeun van Nun.
18 Doarbie mout ie van elke stam ain laaider nemen om t laand as aarfdail tou te wiezen.
19 Dit binnen noamen van manlu: veur stam Juda Kaleb, zeun van Jefunne;
20 veur stam Simeon Semuël, zeun van Ammihud;
21 veur stam Benjamin Elidad, zeun van Kislon;
22 veur stam Dan femilie-oldste Bukki, zeun van Jogli;
23 wat noazoaten van Jozef aangaait: veur stam Manasse femilie-oldste Channiël, zeun van Efod;
24 en veur stam Efraïm femilie-oldste Kemuël, zeun van Siftan;
25 veur stam Zebulon femilie-oldste Elisafan, zeun van Parnach;
26 veur stam Issachar femilie-oldste Paltiël, zeun van Azzan;
27 veur stam Aser femilie-oldste Achihud, zeun van Selomi;
28 veur stam Naftali femilie-oldste Pedaël, zeun van Ammihud."
29 Dit binnen degenen dij de HEER opdracht gaf om aan Isrelieten n aarfdail tou te wiezen in t laand Kanaän.
|
Numeri 35
01De HEER zee tegen Mozes op Vlakte van Moäb, aan Jordaan bie Jericho:
02"Bestel Isrelieten dat zai van heur aarfdail aan Levieten steden geven om te wonen. Ook t gruinlaand om steden tou mout ie Levieten geven.
03Zai kinnen in dij steden wonen, en t gruinlaand is veur heur vij, veur heur opslag en veur aal heur daaiern.
04t Gruinlaand bie steden dat ie aan Levieten geven mouten, is van stadsmuur òf doezend èl.
05Meet tou t midden van stad oet twijdoezend èl òf noar oostkaant, twijdoezend èl noar zuudkaant, twijdoezend èl noar westkaant en twijdoezend èl noar noordkaant. Dit is t mainschoar bie heur steden.
06Van steden dij ie Levieten geven mouten, binnen der zès n vrijstad. Doar kin ain noar tou vluchten as e n aander doodsloagen het. Doarbie mout ie nog twijenvatteg aandere steden ofstoan.
07In t gehail mout ie dus achtenvatteg steden aan Levieten geven mit t mainschoar der omtou.
08Wat steden aangaait dij je van t bezit van Isrelieten ofstoan, mout je van wèl n haile bult het, veul nemen en van wèl mor n luk beetje het, waaineg. Elk mout noar verholden van t aarfdail dat e krigt n aantal steden aan Levieten geven."
09De HEER zee tegen Mozes:
10 "Zeg tegen Isrelieten: 'As ie over Jordaan trekken noar Kanaän,
11 mout ie joe steden oetzuiken dij n vrijstad veur joe wezen zellen. Doar kin ain noar tou vluchten as e n aander per ongelok doodmoakt het.
12 Dij steden binnen n touvlocht tegen bloudvrekers, dat ain dij n aander doodmoakt het, nait ombrocht wordt eerdat e veur gemainschop terechtstoan het.
13 Van steden dij ie ofstoan, mouten der zès n vrijstad wezen.
14 Drij steden aan aanderkaant Jordaan mout ie ofstoan en drij steden in t laand Kanaän, vrijsteden dus.
15 Dij zès vrijsteden binnen veur Isrelieten, veur vremden en aander lu dij hier touholden, zodat elk dij per ongelok ain doodmoakt het, der noar tou vluchten kin.
16 Mor as ain n aander mit n iesdern veurwaarp haauwen het zodat e sturf, den is t n moordenoar; moordenoar mout zeker doodmoakt worden.
17 As ain n aander mit n vlint in haand sloagen het zodat e sturf, den is t n moordenoar; moordenoar mout zeker doodmoakt worden.
18 Of as ain n aander mit n holten ding in haand haauwen het zodat e sturf, den is t n moordenoar; moordenoar mout zeker doodmoakt worden.
19 Bloudvreker mout zulm moordenoar doodmoaken. Zo gaauw as e hom tegenkomt, kin t.
20 As ain n aander oet hoat n stöt geven het, of mit kwoade opzet wat noar n aander smeten het zodat e sturf,
21 of as ain n aander oet nied mit haand sloagen het zodat e sturf, mout doader zeker doodmoakt worden; t is n moordenoar. Bloudvreker kin moordenoar doodmoaken as e hom treft.
22 Mor as ain n aander per ongelok en nait oet hoat n stöt geven het, of zunder kwoade opzet ain of aander veurwaarp gooid het,
23 of n willekeurege stain dij ain dood doun kin, zunder dat e t zag op n aander valen luit zodat e sturf, en t was nait zien vijand en hai wol hom ook gain kwoad doun,
24 den mout gemainschop rechtspreken tussen moordenoar en bloudvreker volgens dizze rechtsregels:
25 Gemainschop mout doader vrijwoaren, dat bloudvreker nait touslagt. Ze mouten hom weeromgoan loaten noar vrijstad doar e hènvlucht was en doar kin e wonen blieven tot dood van hogepriester dij mit haailege eulie zaalfd is.
26 Mor komt doader over grèns van vrijstad doar e noar tou vlucht was,
27 en bloudvreker vindt hom boeten stadsgrènzen en slagt hom dood, den rust ter op bloudvreker gain schuld.
28 Want doader haar in vrijstad blieven mouten tot dood van hogepriester. Noa dood van hogepriester mag e weeromgoan noar zien aigen kontraain.
|
|
